Ла Лига. Мадрид клубларига омадли, «Барселона» учун омадсиз келган турнинг барча натижалари

Футбол бўйича Испания Ла Лигасида 3-тур беллашувлари якунланди.

Чемпионлик учун асосий даъвогар бўлган «Барселона»нинг ўз уйида дебютант клубдан мағлуб бўлиши ҳақиқий сенсацияга тенглаштирилди. Мавсумни йирик ғалаба билан бошлаган Каталония клуби, 2-турда Билбаода зафар қучганди. Кўпчилик учун нотаниш бўлган «Алавес» эса амалдаги чемпионни «Камп Ноу»да таслим қилишга эришди. Қайд этиш керак, «Алавес» илк турни «Атлетико» майдонида ўтказиб, рақибини 2 очкодан маҳрум қилиб қайтганди.

«Барселона»нинг очко йўқотиши Мадриднинг «Реал» клубини якка пешқадамга айлантирди. «Қироллик клуби» Криштиану Роналдунинг қайтишини йирик ғалаба билан нишонлади. «Реал»нинг асосий мақсади Испания чемпионлигини қўлга киритиш экани ҳақида бош мураббий Зидан айтиб ўтганди. «Барселона»нинг қоқилиши испан ОАВси томонидан бу борадаги дастлабки қадам сифатида қайд қилинди.

Кетма-кет икки турда дебютант клубларни мағлуб эта олмаган «Атлетико» Вигода «Сельта»га имконият қолдирмади. Виголиклар Нолитони «Манчестер Сити»га сотиб юбориб, мавсумни кетма-кет учта мағлубият билан бошлади. Шундай натижа Пако Алкасер ҳамда Андре Гомешни «Барселона»га қўйиб юборган «Валенсия»ни ҳам четлаб ўтмади.

3-турнинг энг иродали ғалабаси «Севилья» футболчилари томонидан қўлга киритилди. Хорхе Сампаоли шогирдлари 89-дақиқага қадар 1 та гол фарқи билан ортда бора туриб, якунда 2 та гол уришга муваффақ бўлди. Ўтган мавсум сўнгидаги ғалабалари сабаб Ла Лигада жон сақлаб қолган «Лас-Пальмас» 88-дақиқага келиб майдонда бир киши кам қолди.

«Атлетико»дан 1 очко ишлаган «Леганес» 4-турда «Барселона»га қарши майдонга тушади. Турнир жадвалида кучли учликда бораётган «Спортинг» эса «Атлетико»га қарши саф тортади. Мадриднинг «Реал» клубини «Эспаньол»га қарши беллашув кутиб турибди.

Испания Ла Лигаси 3-тур беллашувлари 10 сентябрь, шанба

«Реал Сосьедад» — «Эспаньол» 1:1

Голлар: Пабло Пьятти, 62 (0:1). Виллиан, 78 (1:1).Четлатиш: Хави Фуэго, 90+2 (Э).

«Сельта» — «Атлетико» 0:4

Голлар: Коке, 53 (0:1). Антуан Гризманн, 73 (0:2). Антуан Гризманн, 81 (0:3). Анхел Корреа, 89 (0:4).

«Реал Мадрид» — «Осасуна» 5:2

Голлар: Криштиану Роналду, 6 (1:0). Данило, 40 (2:0). Серхио Рамос, 45+1 (3:0). Пепе, 56 (4:0). Лука Модрич,62 (5:0). Ориол Риера, 64 (5:1). Давид Гарсия, 78 (5:2).Ноаниқ пенальти: Роберто Торрес, 72 (О).Четлатиш: Тано Бонин, 79 (О).

«Малага» — «Вильярреал» 0:2

Голлар: Хауме Коста, 33 (0:1). Никола Сансоне, 44 (0:2).Ноаниқ пенальти: Bruno, 40 (V).

«Севилья» — «Лас-«Палмас» 2:1

Голлар: Тана, 16 (0:1). Пабло Сарабия, 89-пен (1:1). Карлос Фернандес, 90+4 (2:1).Четлатиш: Педро Бигас, 88 (Л).

«Барселона» — «Алавес» 1:2

Голлар: Дейверсон, 39 (0:1). Жереми Мате, 46 (1:1). Ибаи Гомес, 64 (1:2).

11 сентябрь, якшанба

«Спортинг» — «Леганес» 2:1

Голлар: Начо Касес, 17 (1:0). Дуе Чоп, 43-пен (2:0). Диего Рико, 58 (2:1).

«Валенсия» — «Бетис» 2:3

Голлар: Рубен Кастро, 38 (0:1). Хоакин, 54 (0:2). Родриго, 75 (1:2). Эсекел Гарай, 78 (2:2). Рубен Кастро, 90+2 (2:3).Четлатиш: Энсо Перес, 50 (V).

«Гранада» — «Эйбар» 1:2

Голлар: Педро Леон, 43 (0:1). Артём Кравец, 76 (1:1). Серхи Энрих, 90+4 (1:2).Четлатиш: Асер Риесго, 32 (Э).

«Депортиво» — «Атлетик» 0:1

Гол: Раул Гарсия, 41 (0:1).