Сирдарё вилоятидаги Гулистон тумани марказий шифохонаси қайта реконструкция қилинди. 155 ўринга мўлжалланган 10 бўлимдан иборат тиббиёт муассасасида беморларни даволаш учун барча қулайлик яратилган, дея хабар бермоқда ЎзА.
Инвестиция дастури асосида туман марказий шифохонасининг 3 қаватли асосий биносини тубдан реконструкция қилиш учун 2 миллиард 400 миллион сўм маблағ сарфланди. Шифохонанинг даволаш мажмуаси учун алоҳида 2,5 минг куб метрлик сув иншооти ўрнатилди.
«Туманимизда мазкур шифохонадан ташқари 180 ўринга мўлжалланган кўп тармоқли марказий поликлиника, давлат санитария-эпидемиология назорати маркази, 18 қишлоқ врачлик пункти фаолият юритмоқда ва уларда 76 шифокор, 795 ўрта тиббиёт ходими аҳолига тиббий хизмат кўрсатмоқда. 2015 йилда инвестиция дастурига кўра, туман марказий шифохонасининг туғруқ бўлимида мукаммал таъмирлаш ишлари амалга оширилган эди. Бу йил тубдан реконструкция қилинган шифохонамиз тиббий ускуналар билан тўлиқ таъминланди», — дейди туман тиббиёт бирлашмаси саломатлик маркази шифокори Баҳодир Раҳмонов.
Изоҳ (0)