The Telegraph дунёнинг энг кўп маош олувчи мураббийлари ўнлигини эълон қилди

Буюк Британиянинг The Telegraph нашри дунёнинг энг кўп маош олувчи мураббийлари ўнлигини эълон қилди, деб хабар бермоқда «РБК».

2016 йилнинг ёзидан бошлаб «Манчестер Сити»га устозлик қилаётган, йиллик даромади 15,3 миллион фунтни ташкил этадиган испаниялик мутахассис Хосеп Гвардиола дунёнинг энг кўп маош олувчи мураббийи ҳисобланади.

«Бавария» клубининг италиялик бош мураббийи Карло Анчелотти йилига 12,6 миллион фунт билан иккинчи, «Манчестер Юнайтед» жамоасининг португалиялик мутахассиси Жозе Моуриньо йилига 12,3 миллион фунт билан учинчи ўринни эгаллади.

Терма жамоа бош мураббийлари энг кўп маош олувчи мураббийлар ўнлигидан жой олмади. Шунингдек, Италия ва Франция чемпионатида фаолият олиб бораётган мураббийлар ҳам ушбу рейтингга киритилмаган.

Энг сердаромад мураббийлар ўнлиги

1. Хосеп Гвардиола (Испания, «Манчестер Сити») — 15,3 миллион фунт;
2. Карло Анчелотти (Италия, «Бавария») — 12,6 миллион фунт;
3. Жозе Моуриньо (Португалия, «Манчестер Юнайтед») — 12,3 миллион фунт;
4. Арсен Венгер (Франция, «Арсенал») — 8,9 миллион фунт;
5. Луис Энрике (Испания, «Барселона») — 7,2 миллион фунт;
6. Юрген Клопп (Германия, «Ливерпуль») — 7 миллион фунт;
7. Антонио Конте (Италия, «Челси») — 6,6 миллион фунт;
8. Рональд Куман (Голландия, «Эвертон») — 6 миллион фунт;
9. Диего Симеоне (Аргентина, «Атлетико») — 5,1 миллион фунт;
10. Зинедин Зидан (Франция, «Реал») — 4,6 миллион фунт.