Шимолий Корея Япон денгизига қарата отган баллистик ракеталардан камида биттаси Япония ҳаво ҳужумига қарши мудофаасининг идентификация ҳудудига келиб тушди. Бу ҳақда Reuters Жанубий Корея мудофаа вазирлиги вакилига таяниб хабар берди, деб ёзади «РБК».
Муассаса маълумотларига кўра, КХДР «Нодон» туридаги ўртача масофага учадиган ракеталар парвозини амалга оширган, улар 1000 километрга яқин масофага учган.
Корея Республикаси Қуролли кучлари штаб бошлиқлари бирлашган қўмитасидагилар таъкидлашича, ўз хатти-ҳаракатлари билан КХДР Хитойнинг Ханчжоу шаҳрида бўлиб ўтаётган G20 саммити фонида «ўз кучига шама» қилмоқда.
Аввалроқ Шимол маҳаллий вақт бўйича 12:14 атрофида (Тошкент вақти бўйича 08:14 да) Хванхе-Пукто провинциясидаги Хванчжу уездидан учта баллистик ракета учирган эди.
Изоҳ (0)