Куба тери саратонини даволашга мўлжалланган янги Heberferon («Эберферон») тиббий препаратини рўйхатдан ўтказди, дея хабар бермоқда «ТАСС» миллий телевидениега таяниб.
Heberferon Куба пойтахтидаги Ген инженерияси ва биотехнологиялар марказида 20 йиллик тадқиқотлар ва клиник синовлардан сўнг ишлаб чиқилган.
Ишлаб чиқишда қатнашган биолог Иральдо Бельо сўзларига кўра, дори воситаси Куба илмий марказида ген инженерияси ёрдамида ишлаб чиқариладиган интерферон альфа ва интерферон гаммани ўз ичига олувчи компонентларнинг «дунёдаги ноёб таркиби»дан иборат.
Инъекция орқали киритиладиган дори теридаги меланомадан ташқари барча шишларни кичрайтиради ва одам юзида жарроҳлик операциясини ўтказиш заруриятидан қочиш имкониятини беради.
Ген инженерияси ва биотехнологиялар марказида янги препаратнинг 10 мингдан ортиқ ампуласи ишлаб чиқарилди. Дори ҳали ишлаб чиқиш босқичида бўлиб, унинг бошқа саратон касалликларини даволашдаги самарадорлиги текширилмоқда.
Изоҳ (0)