29 август куни Ўзбекистон Республикаси Ташқи ишлар вазири Абдулазиз Камилов Швеция Қироллигининг янги тайинланган элчиси (қароргоҳи Стокгольм шаҳрида) Ингрид Терсманни қабул қилди. Бу ҳақда ТИВ матбуот хизмати хабар бермоқда.
Элчи Ўзбекистон Республикаси Президенти номига йўлланган ишонч ёрлиқларини топширди.
Бўлиб ўтган суҳбат чоғида Ўзбекистон–Швеция кун тартибининг долзарб масалалари юзасидан фикр алмашилди, сиёсий, савдо-иқтисодий ва бошқа соҳалардаги, шунингдек «Ўзбекистон–Европа Иттифоқи» шаклидаги икки томонлама муносабатларнинг босқичма-босқич ривожланиши истиқболлари муҳокама қилинди.
Учрашувда айрим халқаро ва минтақавий масалалар ҳам кўриб чиқилди.
Изоҳ (0)