Бокс бўйича -49 килограмм вазн тоифасида Олимпиада чемпионига айланган Ҳасанбой Дўстматов техникаси энг кучли спортчига бериладиган Вэл Баркер Кубоги соҳибига айланди, деб хабар бермоқда UzDaily.
Ҳасанбой Дўстматов Вел Баркер Кубогини қўлга киритган биринчи ўзбекистонлик боксчи бўлди. Вэл Баркер Кубоги 1936 йилдан буён Олимпиадада техникаси энг кучли боксчига бериладиган мукофот саналади.
Эслатиб ўтамиз, Ҳасанбой Дўстматов ҳал қилувчи финалга қадар уч нафар рақибининг ҳар бирини учта раунд натижасига кўра мағлуб этишга муваффақ бўлганди. Булар: мексикалик Хоселито Веласкес, қозоғистонлик Биржан Жакипов ва америкалик Нико Эрнандес.
Қайд этиш жоиз, Ўзбекистон бокс терма жамоаси 3 та олтин, 2 та кумуш ва 2 та бронза медалини қўлга киритиб, мазкур спорт йўналишида Куба, Қозоғистон ва Франция мамлакатларини ортда қолдириб, 1-ўринни эгаллади.
Изоҳ (0)