Голливуд актёри ва режиссёри Мел Гибсон собиқ фуқаролик рафиқаси Оксана Григорьевага уларнинг олти ёшли қизчаси Люсини парвариш қилиш учун ҳар ойда тўлайдиган пул маблағи ҳажмини кўпайтиришга рози бўлди, деб ёзади «ТАСС».
TMZ нашри ўз манбаларига таяниб маълум қилишича, сўнгги вақтларда Гибсон Григорьевага ойига 20 минг доллардан тўлаган, аммо у ушбу суммани 100 минг долларгача оширишни сўраган. Охир-оқибат, собиқ жуфтлик ойига 30 минг долларга келишган.
Бунинг эвазига Григорьева Гибсон у учун Лос-Анжелес ташқарисида ижарага олган 2,4 миллион долларлик уйдан Малибудаги бошқа уйга кўчиб ўтишга рози бўлди.
Гибсон ва Григорьева 2010 йилда жанжаллашиб қолгани туфайли ажрашди. Сўнг суд бир неча ойлар мобайнида уларнинг қизига ким васийлик қилиши ҳақидаги ишни кўриб чиқди. Суд ҳукмига кўра, актёр собиқ фуқаролик хотинига 750 минг долларни уч қисмга бўлиб тўлаши керак эди. Бундан ташқари, Гибсонга Григорьева қизи билан яшайдиган уй учун пул тўлаш юкланганди.
Изоҳ (0)