«Миллион» қизиқчилар жамоаси 2016 йилнинг 15—18 сентябрь кунлари Тошкентдаги «Истиқлол» санъат саройида концерт беради. Бу ҳақда жамоа бошлиғи Даврон Кабулов Instagram’даги саҳифасида хабар қолдирди.
«Кутганмидингиз? Биз келяпмиз. Соғинчингизга муносиб бўлишга қўлдан келганича ҳаракат қиламиз. Биз роппа-роса 2,5 йил кутган концерт!», — дейилади Даврон Кабулов Instagram’да қолдирган хабарда.
Маълумот учун, «Миллион» жамоаси сўнгги бор 2014 йил апрель ойида концерт берган эди. Орадан бир неча ой ўтиб, концерт видеодисклари чиққанидан сўнг, гуруҳ саҳнага олиб чиққан кўплаб ҳазиллар жамоатчилик томонидан танқид қилинган.
Кейинроқ, 2014 йил сентябрида эса «Миллион» қизиқчилар жамоасининг концерт-томоша фаолияти учун берилган лицензияси «Ўзбекнаво» эстрада бирлашмаси томонидан тугатилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)