Канадалик хонанда Жастин Бибер фойдаланувчилар томонидан ёғдирилган танқидлардан сўнг Instagram ижтимоий тармоғидаги профилини йўқотиб қўя қолди. Бу ҳақда «Корреспондент.net» хабар бермоқда.
Фойдаланувчиларнинг салбий изоҳларига (улар кўпинча илон шаклидаги эмодзи смайллари кўринишида бўлган) Бибернинг севган қизи, 17 ёшли модель София Ричи билан бирга тушган суратлар туркуми сабаб бўлди. Мухлислар Ричини хонандага мос эмас ва ишқий муносабатлар учун ҳали жуда ёш деб ҳисобламоқда.
Бибер бундан дарғазаб бўлди ва мухлислардан ўзи севган инсонларга муҳаббат билан ёндашишни талаб этди. Баҳсларга Бибернинг собиқ маъшуқаси, қўшиқчи ва актриса Селена Гомес ўт қалади. У Биберга таъна-дашномларни тўхтатиш учун София Ричи суратларини жойлаштиришни тўхтатишни маслаҳат берди, хонанда эса энди у билан тортиша кетди.
Охир-оқибат Бибер Instagram’даги профилини ёпиш эмас, буткул ўчиришга қарор қилди.
Изоҳ (0)