Forbes журнали ўз фаолияти орқали энг кўп пул ишлаб топадиган дижейлар рейтингини тузди, деб ёзади TJournal. Унда шотландиялик Келвин Харрис етакчилик қилди, тўртинчи ўринда эса асли саратовлик дижей жойлашди.
Келвин Харрис бир йилда ишлаб топган маблағ, ҳисоб-китобларга кўра, 63 миллион долларни ташкил этди. Дижей, журнал маълумотлари бўйича, ҳар битта концертидан 400 минг доллар фойда кўради.
Иккинчи ўринни асли голландиялик дижей Тиесто (38 миллион доллар), учинчи ўринни эса франциялик Дэвид Гетта (28 миллион доллар) эгаллади. Тўртинчи ва бешинчи поғоналарда асли саратовлик Zedd (асл исми Антон Заславский, 24,5 миллион доллар) ва америкалик Стив Аоки (23,5 миллион доллар) жойлашди.
Forbes рейтингида дунёнинг энг бой дижейлари рўйхатига биринчи марта кирган дебютантлар ҳам учрайди (рейтинг 2012 йилдан буён тузиб келинади), улардан бири Греция-Бельгия дуэти Дмитрий Вегас ва Лайк Майкдир.
Изоҳ (0)