Россиялик қўшиқчи Валерий Меладзенинг яккахон концерти 1 октябрь куни Тошкентдаги «Истиқлол» санъат саройида бўлиб ўтади, дея хабар бермоқда «Газета.uz».
Хонанда юбилей гастроль сафари доирасида янги дастур билан чиқиш қилади, унда оммабоп хит қўшиқлар янграйди.
Концерт ташкилотчилари таъкидлашича, 2015 йил ака-ука Меладзелар учун аҳамиятли бўлди. Валерий ўзининг 50 ёшини нишонлади, шунингдек, «Сэра» альбоми чиқарилганига 20 йил тўлди. Бундан ташқари, Валерий ва Константин ўз ҳаётларини мусиқа билан боғлашга қарор қилганига ҳам роппа-роса 30 йил бўлди.
Валерий Меладзенинг концертига чипталарни myticket.uz сайтида, шунингдек, «Истиқлол» санъат саройи кассаларида сотиб олиш мумкин.
Изоҳ (0)