Хитой армияси генерал-майори 54 ёшли Чэнь Цзе ўз жонига қасд қилди. Гуандун провинциясининг Шэньчжэнь шаҳрида рўй берган ҳодиса ҳақида South China Morning Post маълум қилди, дея хабар беради «ТАСС».
Сиёсий комиссар лавозимида бўлган Чэнь Цзе армияда хизмат пиллапояларидан тез кўтарилганди. У юқори лавозимга тайинланишидан атиги бир кун олдин ўзини ўлдирди. Генерал-майор 20 август, шанба куни дафн этилиши билдирилмоқда.
Бу ҳафта мобайнида Хитойда юқори мартабали ҳарбий хизматчилар жонига қасд қилиши билан боғлиқ учинчи ҳолат. Кузатувчилар мазкур ҳодисаларни армия сафида ўтказилаётган аксилкоррупциявий текширувлар билан боғламоқда.
Изоҳ (0)