Ёдгор Саъдиев хонанда Ҳожиакбар Ҳайдаровдан ранжиганини маълум қилди

Ўзбекистон халқ артисти Ёдгор Саъдиев «Qalampir.uz» сайтига берган интервьюсида хонанда Ҳожиакбар Ҳайдаров томонидан қайта ижро этилган «Дўлана» қўшиғи ва унга ишланган видеоклип ҳақида фикрини билдирди.

«Очиғи, бу қўшиқни жуда яхши кўрардим. Нуриддин Ҳайдаровнинг ўғли отасининг қўшиғини бу алфозда айтиб чиққанидан ранжидим. У отасининг анъаналарини сақлаб қолиши, қўшиқни бузмай айтиши керак эди. «Дўлана» бундай ҳолатда айтиладиган қўшиқ эмас. Акам, Ўзбекистон халқ артисти Хайрулла Саъдиев қўшиқ айтишни билмас эдилар. «Дўлана» қўшиғи чиққан кезлари атайин қўшиқ айтишни ўрганиб, уни ижро этгандилар. Битта қўшиқ нималарга қодир эканини кўряпсизми? Бу қўшиқда қанчадан-қанча авлоднинг хотиралари қолган», — дея таъкидлади Ёдгор Саъдиев.

Журналистнинг «Клипга сизни таклиф қилишганида рози бўлармидингиз?» деган саволига жавобан актёр «Йўқ, шу вақтгача ўз принципларимга қарши борган эмасман. Клип ва рекламаларга тушиш учун жуда кўп таклифлар бўлган, бироқ рад этганман. Фалон миллион сўмни деб томошабин ишончини суиистеъмол қилгим келмайди» деб жавоб берди.