АҚШнинг Uber Technologies Inc. такси буюртма қилиш хизмати ҳамда Швециянинг Volvo автоконцерни имзолаган янги шартномага мувофиқ, икки компания ҳайдовчисиз автомобиллар учун дастурий таъминот яратиш ишланмаларига 300 миллион доллар инвестиция киритади. Бу ҳақда «Интерфакс» хабар бермоқда.
Маблағ компаниялар ўртасида тенг тақсимланади ва, дастурий таъминот яратишдан ташқари, уларга мослашган ускуналар, жумладан, йўлдаги тўсиқларни аниқлаш сенсорлари ишлаб чиқаришга йўналтирилади.
Автомобиль Volvo XC90 йўлтанламаси негизида яратилади.
Изоҳ (0)