Таъмирлаш ва қурилиш ишлари сабаб Шота Руставели, Муқимий ва Нурафшон кўчаларининг баъзи нуқталарида 22 августга қадар транспорт воситалари ҳаракати чеклангани ёки тўхтатилгани сабаб, мазкур нуқталарни айланиб ўтиш имконини берувчи бошқа кўчаларда катта тирбандликлар юзага келди.
Facebook’даги «Водители Ташкента» ва «Водители Ташкента (Drivers.uz)» гуруҳларида қолдирилган хабарларга кўра, Кичик ҳалқа йўлининг Бошлиқ, Қушбеги даҳаларидан ўтган қисмида катта тирбандликлар юзага келган.
«Чилонзорга етиб олиш вақтинча мушкул ишга айланиб қолди», — дейди фойдаланувчилардан бири. «Баъзи ҳовлиқма ҳайдовчиларнинг қарама-қарши қатнов қисмига чиқиб кетиши эса вазиятни янада чигаллаштирмоқда», — деб қўшимча қилган гуруҳнинг бошқа бир аъзоси.
Аввалроқ Тошкент шаҳар ҳокимлиги Муқимий кўчасидаги қурилиш ишлари 22 августда якунига етиши ҳақида хабар бериб, юзага келган ноқулайликлар учун шаҳар аҳолисидан узр сўраган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)