Гватемалада Зика вируси асорати бўлган микроцефалия билан касалланган биринчи чақалоқ туғилди. Бу ҳақда мамлакат пойтахтидаги Рузвельт номли касалхона инфекция бўлими бошлиғи Карлос Мехия маълум қилди, дея хабар беради «ТАСС».
«Зика вируси билан боғлиқ микроцефалияга оид биринчи ҳолат аниқланди. Биз яна икки боланинг таҳлилларини текширишимиз зарур», — дея таъкидлаган Мехия.
Мутахассисга кўра, икки киши — 70 ёшли эркак ва беш ёшли қизалоққа вирус билан боғлиқ Гийена-Барре синдроми ташхиси қўйилган.
Изоҳ (0)