Уч нафар россиялик альпинист Тожикистон шарқидаги Исмоил Сомоний чўққисини забт этишга уринаётганида қор кўчкиси остида қолди, деб ёзади «Интерфакс».
Тожикистон ОАВлари мамлакат Сайёҳликни ривожлантириш кенгаши раиси Давлат Ҳабибовга таяниб хабар қилишича, ҳодиса 14 август куни Исмоил Сомоний чўққиси яқинидаги Лахш тумани ҳудудида содир бўлган.
Ҳабибовнинг сўзларига кўра, альпинистлардан бирини қутқаришга муваффақ бўлишган, аммо бир аёл ва бир эркакни қидириш муваффақиятсиз кечди. Йўқолган альпинистларни қидириш ишлари тўхтатилди.
Исмоил Сомоний чўққиси Тожикистоннинг Тоғли Бадахшон мухтор вилояти шимоли-ғарбида 7495 метр баландликда жойлашган.
Изоҳ (0)