Австрия канцлери Кристиан Керн ҳукумат қочоқлар билан боғлиқ вазият туфайли 6 сентябрь куни фавқулодда ҳолат жорий этиш ҳақидаги қонунни қабул қилиши мумкинлигини маълум қилди. Бу ҳақда «Коммерсантъ» хабар бермоқда.
«Сентябрь ойи бошида Австрия ва Венгрия ички ишлар ва мудофаа вазирларининг музокаралари бўлиб ўтади. Музокаралар давомида фавқулодда ҳолатни амалга ошириш, жумладан, қочоқларни Венгрияга қайтариш шартлари ишлаб чиқилиши лозим», — деди канцлер.
Унинг фикрича, бўлиб ўтадиган ҳукумат йиғилиши фавқулодда ҳолат жорий этиш ҳақидаги низомнинг тайёр матнини кўриб чиқиш учун мос келади.
Аввалроқ Австрия Европа Иттифоқи мамлакатларида муҳожирларни тақсимлаш бўйича квота тизимида иштирок этишдан бош тортган эди. Ушбу позиция мамлакатнинг етарлича муҳожирларни қабул қилганлиги билан изоҳланган эди.
Изоҳ (0)