Футзал бўйича ЖЧ—2016 иштирокчилари билан таништиришда давом этамиз. Навбат Украина терма жамоасига.
Украина турнирнинг «D» гуруҳидан жой олган бўлиб, Бразилия, Мозамбик, Австралия каби термаларга қарши кураш олиб боради.
Колумбияга йўл
Украина терма жамоасининг Колумбия—2016 чиптасини қўлга киритиши жуда ажойиб кетди. Саралаш турнирининг биринчи ўйинида Англия дарвозаси жавобсиз 7 бор ишғол қилинганидан кейин, Украинани тўхтатиш қийин эканини ҳамма тушуниб бўлди.2-турда украин футзалчилари Бельгияни 6:2 ҳисоби билан мағлуб этди. Гарчи 6 очко чўнтакда бўлса-да, бу ҳали ҳаммаси эмасди. 3-тур кўп нарсага ойдинлик киритиб бериши керак эди. Чунки Венгрия терма жамоаси ҳам Англияни 5:4, Бельгияни 5:2 ҳисобида мағлуб этиб, 6 очколик бўлиб олганди.
Кўпчилик кутган ҳал қилувчи ўйин Украина учун осон бўлмади. Шунингдек, у Венгрияни кўпроқ қийнаб қўйди. Якунда 5:3 ҳисобида устун келган Украина футзал терма жамоаси Колумбиядаги Жаҳон Чемпионатида иштирок этадиган бўлди.
ЖЧ—2016 даги рақиблари
Ўзига хос жиҳатлари
Сариқ ва кўк ранглар жилоси бор либосларда залга чиқиб келадиган йигитларга ҳурмат кўзи билан қарашга мажбурсиз. Улар саралашдаги 6 та ўйинда 29 та гол уриб, 6 тагина гол ўткзаиб юборишди. Бу эса уларнинг кучидан дарак беради.Украина терма жамоаси ҳужумда қандай сифатли ўйин кўрсаца, ҳимояланишда ҳам шундай ҳаракатлана оладиган кам сонли жамоалар сирасига киради. Футзалчиларининг асосий қисми Лвовнинг «Энергй» ҳамда Харковнинг «Локомотив» клуби шарафини ҳимоя қилади.
Украина терма жамоаси 2001 ва 2003 йилги Европа Чемпионатларида кумуш медалларни қўлга киритганди. 2016 йилги қитъа биринчилигида эса терма чорак финалда Сербияга имкониятни бой бериб қўйди — 1:2. Сербия украиналиклардан ҳар томонлама устун эмасди. Шунчаки мусобақа мезбони экани жамоага катта ёрдам берди.Мундиаллар тарихи
Украина терма жамоаси Жаҳон Чемпионатидаги иштирокини 1996 йилда бошлаган бўлиб, Испания мезбонлик қилган турнирнинг ярим финалига қадар етиб борган ва якунда 4-ўрин билан кифояланганди. Сўнгги учта мундиал Украинасиз ўтмагани ҳам терма кучидан далолат беради.
Сариқ-кўклар 2012 йил Таиландда бўлиб ўтган Жаҳон Чемпионатида ҳам ёрқин ўйинлар кўрсатишди. Ўз гуруҳини 1-ўринда якунлаган Украина, нимчорак финалда Японияни таслим қилди. Чорак финалда эса Колумбияга имконият бой берилди.
Бразилия—2008, Хитой Тайпейи—2004 каби мундиалларда ҳам Украина гуруҳ босқичини пешқадам сифатида якунлаганди. Бироқ юришига нимчорак финалда якун ясаган. Шунга қарамай, украинларнинг Жаҳон Чемпионатида ўйнаш тажрибаси катта эканини унутмаслик керак.
Изоҳ (0)