Бишкекнинг «Азия MIX» жамоаси КВН мусобақаси доирасидаги битта сафари учун 40 минг долларга яқин маблағ сарфлайди. Бу ҳақда улар журналистлар билан учрашувида маълум қилди, дея хабар бермоқда K-News.
«Режаларимиз камтарона — КВН ўйини ярим финали ва финалига ўтиш. Башарти ғолиб бўлмасак ҳам муносиб чиқиш қилиш», — дея таъкидлади Элдиёр Кененсаров.
«Ҳар мавсум олдидан биз тўпланиб, келажак учун режаларни белгилаб оламиз. Бу сафар биз нафақат ўзимиз, балки ҳомийларимиз учун ҳам масъулиятни ҳис этдик. Молиявий кўмаксиз чиқиш қилиш қийин. Ҳар бир ўйин сафари учун 40 минг долларга яқин маблағ сарфланади», — дея қўшимча қилди жамоа аъзоларидан бири Руслан Максимов.
Маълумот учун, ўзбекистонлик актриса Ситора Фармонова 2015 йилдан Бишкекнинг «Азия MIX» жамоаси таркибида КВН мусобақаларида иштирок этиб келмоқда.
Эслатиб ўтамиз, хонанда Ситора Фармонова лицензиясининг амал қилиш муддати «Ўзбекнаво» эстрада бирлашмаси томонидан тугатилганлиги ҳақида хабар берилган эди.
Изоҳ (0)