Перуда икки автобус тўқнашуви оқибатида 17 киши ҳалок бўлди, 40 дан ортиқ киши жароҳатланди

Перуда икки автобуснинг рўпарама-рўпара тўқнашуви оқибатида 17 киши ҳалок бўлди, 40 дан ортиқ киши жароҳатланди. Бу ҳақда «Корреспондент.net» хабар бермоқда.

Полициянинг билдиришича, йўл-транспорт ҳодисаси 10 август, чоршанба куни эрталаб юз берди. Автобуслардан бири Куско шаҳридан пойтахт Лимага, бошқаси эса Ика шаҳридан жанубга йўл олганди. Қурбонлар орасида икки автобус ҳайдовчиси ва бразилиялик сайёҳ бор. Полиция автоҳалокат сабаблари ва қурбонлар шахсини аниқлаш билан шуғулланмоқда.