Таиландда йўловчи автобуси иштирокидаги ЙТҲда 2 киши ҳалок бўлди

Таиланд жанубидаги Накхонситхаммарат провинциясида йўловчи автобуси иштирокида юз берган йўл-транспорт ҳодисасида икки киши ҳалок бўлди, яна 20 киши жароҳат олди. Бу ҳақда маҳаллий полиция маълумотига таяниб, «ТАСС» хабар берди.

Маълум қилинишича, тезюрар трассада автобус катта тезликда цемент ортилган юк машинасига тўқнашиб кетган. Юк машинасининг ҳайдовчиси тўқнашувга қадар бошқарувни йўқотган ва йўл четидаги ариққа чиқиб кетган. Бироқ юк машинасининг йўлда қолиб кетган тиркамасига автобус бориб урилган.

Барча жабрланганлар шифохонага етказилган. Полициянинг дастлабки маълумотларига қараганда, уларнинг барчаси Таиланд фуқароларидир.