Европа футбол уюшмалари иттифоқи — УЕФА 2018 йилдан Чемпионлар Лигасининг янги форматини жорий этиши мумкин. Бу ҳақда La Gazzetta dello Sport нашри хабар бермоқда.
Янги форматга кўра, мусобақада саралаш босқичлари бўлмайди ва маълум бир мамлакатлар кафолатланган ўринларга эга бўлади.
Хусусан, Англия, Германия, Испания ва Италия гуруҳ босқичида тўрттадан, Франция, Португалия ва Россия иккитадан, Швейцария, Бельгия, Голландия, Туркия ва Украина эса биттадан кафолатланган ўринга эга бўлади.
Мусобақанинг яна беш иштирокчиси номи плей-офф ўйинлари орқали аниқланиши кўзда тутилган. Даъвогарлар қандай аниқлаб олинишига газета хабарида аниқлик киритилмаган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)