TNS Russia томонидан олинган дастлабки рақамларга кўра, 6 августда Риодаги «Маракана» стадионида Олимпиада очилиш маросимини тўғридан-тўғри эфирда олиб кўрсатган «Россия 1» телеканали аудиторияси 1,042 миллион кишини ташкил этди. Таққослаш учун, 2012 йилги Лондон Олимпиадасида бу кўрсаткич 2,088, 2008 йилги Пекин Олимпиадасида эса 6,051 миллион кишидан иборат бўлганди. Бу ҳақда «РБК» хабар бермоқда.
Риодаги очилиш маросими томошабинлари улуши Россия аҳолисининг 1,5 (асосий трансляция пайти) ва 1,2 (қўшимча вақтда) фоизини ташкил этди. Лондон маросимида бу кўрсаткич 31,5, Пекинда эса 40,1 фоиздан иборат бўлган.
Спорт тадбирлари телеаудиторияси бўйича Сочида 2014 йили ўтказилган қишки Олимпиада очилиши маросими рекорд қўйганди. TNS Russia маълумотларига кўра, тадбирни тўғридан-тўғри эфирда мамлакат аҳолисининг 32,7 фоизи ёки трансляция пайти экранлар олдида бўлган барча россияликларнинг 69 фоизи томоша қилган.
Изоҳ (0)