10 август, чоршанба куни Олимпиада ўйинларининг энг совриндор спортчиси – америкалик сузувчи Майкл Фелпс Рио–2016 Олимпиадасининг 200 метрга баттерфляй ва эркин усулда 4х200 метрга эстафетада олтин медални қўлга киритди, деб хабар бермоқда «ТАСС».
Энди спортчининг ҳисобида 21 та Олимпиада ўйинлари олтин медали мавжуд. Бешта Олимпиада (Сидней–2000, Афина–2004, Пекин–2008, Лондон–2012 ва Рио–2016) да иштирок этган Фелпс ҳисобида 21 та олтин медалдан ташқари 2 та кумуш ва 2 та бронза медаллари мавжуд.
31 ёшли спортчи Рио–2016 Олимпиадасида ўз натижасини янада яхшилаши мумкин.
Изоҳ (0)