Россия президенти Владимир Путин туркиялик ҳамкасби Ражаб Тоййиб Эрдўғон билан учрашув чоғида расмий Москванинг конституцияга зид хатти-ҳаракатларни қатъиян қабул қилмасликдан иборат позициясини тасдиқлади. У Туркияда амалга оширилган ҳарбий исённи қоралади, деб хабар беради «Интерфакс».
Ўз навбатида, Туркия етакчиси россиялик ҳамкасбининг ҳарбий исёндан бироз вақт ўтиб амалга оширган телефон қўнғироғидан ва суҳбат чоғида айтилган хайрихоҳлик сўзларидан хурсанд бўлганини билдирди.
Россия президенти биринчилардан бўлиб Эрдўғонга қўнғироқ қилганини ва ички сиёсий инқирозни енгиб ўтишда уни қўллаб-қувватлаганини эслатиб ўтди.«Шу билан боғлиқ равишда сизнинг раҳбарлигингиз остида Туркия халқи бу муаммони енгиб ўтишига ва конституцион тартиб-интизом тўлиқ тикланишига умид қиламан», — таъкидлади Путин.
Икки давлат раҳбарининг учрашуви Санкт-Петербургда 9 август куни бўлиб ўтмоқда.
Изоҳ (0)