Rossiya prezidenti Vladimir Putin turkiyalik hamkasbi Rajab Toyyib Erdo‘g‘on bilan uchrashuv chog‘ida rasmiy Moskvaning konstitutsiyaga zid xatti-harakatlarni qat’iyan qabul qilmaslikdan iborat pozitsiyasini tasdiqladi. U Turkiyada amalga oshirilgan harbiy isyonni qoraladi, deb xabar beradi “Interfaks”.
O‘z navbatida, Turkiya yetakchisi rossiyalik hamkasbining harbiy isyondan biroz vaqt o‘tib amalga oshirgan telefon qo‘ng‘irog‘idan va suhbat chog‘ida aytilgan xayrixohlik so‘zlaridan xursand bo‘lganini bildirdi.
Rossiya prezidenti birinchilardan bo‘lib Erdo‘g‘onga qo‘ng‘iroq qilganini va ichki siyosiy inqirozni yengib o‘tishda uni qo‘llab-quvvatlaganini eslatib o‘tdi.“Shu bilan bog‘liq ravishda sizning rahbarligingiz ostida Turkiya xalqi bu muammoni yengib o‘tishiga va konstitutsion tartib-intizom to‘liq tiklanishiga umid qilaman”, — ta’kidladi Putin.
Ikki davlat rahbarining uchrashuvi Sankt-Peterburgda 9-avgust kuni bo‘lib o‘tmoqda.
Izoh (0)