Жанубий Кореянинг икки йирик банки — KEB Hana Bank ва Woori Bank мобил банкинг фойдаланувчиларини кўз тўрпардаси орқали шахсини аниқлаш тизимини жорий этмоқда. Бу ҳақда молиявий муассасаларнинг матбуот хизматлари маълум қилди, дея хабар беради «ТАСС».
«Шахсни аниқлаш тизими шу ой давомида, мамлакатда Samsung компаниясининг кўз тўрпардаси сканери билан жиҳозланган Galaxy Note 7 телефони сотуви бошлангандан сўнг ишлай бошлайди. Кўз тўрпардасини аниқлаш технологияси илғор ва мураккаб бўлиб, бу уни бузишга бўлган уринишларни деярли чиппакка чиқаради. Янги тизимнинг ишга туширилиши фойдаланувчилар хавфсизлиги даражасини сезиларли даражада ошириб, тармоқда фаолият олиб борадиган фирибгарлардан ҳимоя этиши кутилмоқда», — дейилади пресс-релизда.
Мамлакатдаги учинчи йирик банк бўлмиш Shinhan Bank ҳам шундай тизим ишга туширилиши эҳтимолини кўриб чиқмоқда. Galaxy Note 7 смартфони тақдимоти 2 август куни АҚШда бўлиб ўтди. Унинг Жанубий Кореядаги сотуви шу ой ўрталаридан бошланади.
Изоҳ (0)