Telegram бир гуруҳ эронлик хакерлар мессенжерга бузиб киришга муваффақ бўлгани ҳақидаги хабарларни рад этди. Бу ҳақда дастурнинг расмий сайтида айтилади.
Таъкидланишича, бир гуруҳ кишилар баъзи Эрон рақамлари Telegram’да рўйхатдан ўтган-ўтмаганини аниқлаштиришга уринган, улар буни 15 миллионта аккаунт учун тасдиқлаб берган. «Натижада фақат оммага кўринадиган маълумотлар тўпланди… Аккаунт телефон рақами орқали яратилиши туфайли, ҳар қандай томон у тизимда рўйхатдан ўтган-ўтмаганини назарий жиҳатдан текшириб кўриши мумкин», — дейилади хабарда. WhatsApp ва Messenger каби бошқа мессенжерлар ҳам шунга ўхшаш тартибда ишлайди.
Аввалроқ эронлик хакерлар дунёдаги энг ҳимояланган мессенжерлардан бири ҳисобланмиш Telegram’даги ўндан ортиқ аккаунтни бузиб кириб, Эрондаги 15 миллион фойдаланувчининг телефонларига дахл қилишга эришгани ҳақида хабар берилган эди.
Изоҳ (0)