Россия спорт вазири Виталий Мутко 272 нафар спортчи Рио-де-Жанейро Олимпиадасига бориш ҳуқуқини қўлга киритгани ҳақида маълум қилди, деб хабар бермоқда «Ведомости».
«272 нафар россиялик спортчининг Олимпиадада иштирок этиш аниқ бўлиб улгурди. Рўйхатнинг тўлиқ кўриниши эртага маълум бўлади. Бу мезонлар фақатгина бизнинг жамоага қаратилганини кўриб турибмиз. Кўряпмизки, турлича стандартлар амалда. Биз фикримизни бир жойга қўйиб, ишлашда давом этишимиз керак», — деб Мутконинг сўзларидан иқтибос келтирилган.
Халқаро Олимпия Қўмитаси 24 июль куни Россия терма жамоасини Олимпиада ўйинларидан бутунлай четлаштирмаслик қарорини эълон қилиб, бу борада россиялик спортчиларнинг олимпия ўйинларида иштирок этиш масаласини спорт федерациялари зиммасига юклаганди. Допинг можаросига аралашиб қолган спортчилар эса Рио-де-Жанейро Олимпиадасини қўйиб юборади.
Изоҳ (0)