Япониянинг Ўзбекистондаги Фавқулодда ва Мухтор Элчиси Фумихико Като ва Ўзбекистон Бош вазири ўринбосари Адҳам Икромов Япония ҳукуматининг «Кадрлар тайёрлаш учун стипендиялар тақдим этиш» лойиҳаси бўйича дастури доирасида Алмашув Ноталарини имзолади, деб ёзади «Anons.uz».
«Кадрларни тайёрлаш учун стипендиялар тақдим этиш» лойиҳаси Япония ҳукумати томонидан 1999 йилдан буён иқисодиёт, молия ва қонун чиқариш тизими каби соҳалардаги малакали кадрларни тайёрлаш мақсадида амалга оширилмоқда. Шу пайтгача ушбу лойиҳа бўйича Япония ОТМлари магистратурасида Ўзбекистоннинг 280 фуқароси ўқиб келди.
Бу ҳолда ушбу дастур доирасида ажратиладиган умумий сумма 459 миллион иена (тахминан 4 300 000 АҚШ доллари)ни ташкил этади (шундан 263 миллион иена 2017 йилда Японияга стажёрларни юбориш учун). 1999 йилдан буён ушбу лойиҳани амалга ошириш учун Япония ҳукумати томонидан 4 841 000 000 иена ажратилган.
Августда ушбу лойиҳа доирасида Японияда 17-стажировка бошланади, унда Ўзбекистоннинг 15 нафар фуқароси иштирок этади.
Изоҳ (0)