Германия полицияси Бавариянинг Ансбах шаҳридаги ресторанда ўзини портлатган худкушнинг шахсини аниқлади. Бу ҳақда «РБК» хабар бермоқда.
NordBayern нашрининг маълум қилишича, матбуот анжумани чоғида Ансбах прокурори Михаэль Шретбергер ўзини вино барида портлатган шахс икки йил муқаддам Германияга қочқин сифатида келган Сурия фуқароси эканлигини айтган.
Маълум бўлишича, ўша куни у 2,5 минг ташрифчи иштирокидаги мусиқий фестивалга кирмоқчи бўлган, аммо уни қўйишмаган.
Бавария ИИВ раҳбари Йоахим Херрманнинг сўзларига қараганда, номи келтирилмаётган қочқин бунга қадар Германияда икки марта жонига қасд қилишга уринган. Унинг рюкзагидаги ҳаракатга келтирилган портловчи ускуна металлик парчалар билан бойитилган бўлиб, бошқа одамларгаям зарар бериши мумкин эди.