Мексикада Сьюдад-Альтамирано шаҳри (Герреро штати) мэри Амбросио Сото отиб ўлдирилди: қуролланган жангарилар унинг автомобилига ҳужум қилгани билдирилмоқда. Бу ҳақда «Корреспондент.net» хабар берди.
Ҳужум туфайли Сотога қўриқчи сифатида қўйилган полициянинг икки ходими жароҳатланди. Олдинроқ мэр маҳаллий наркокартел аъзолари таҳдидига учрагани айтилмоқда. Бу дам олиш кунлари мобайнидаги иккинчи шундай ҳодиса бўлди: 23 июль, шанба куни Сан-Хуан-Чамула шаҳарчаси (Чьяпас штати) маъмурияти раҳбари ҳам мэрияга расмийларнинг молиявий ишларидан норозилик билдиргани келган дарғазаб шаҳарликлар томонидан ўлдирилганди.
Маълумот учун, Мексикада охирги 10 йил мобайнида 75 нафар мэр ўлдирилди.
Изоҳ (0)