Фернанду Сантуш бошчилик қилган Португалия терма жамоаси ўз тарихида биринчи бор Европа Чемпионлигини қўлга киритди.
Евро—2016 нинг ҳал қилувчи ўйинида мезбон Францияга қарши саф тортган Португалия Эдернинг 109-дақиқада киритган ягона голи эвазига зафар қучди.
Бунга қадар Португалия 2004 йилги қитъа чемпионатида финалга қадар етиб келган ва мезбон бўлишига қарамай Грецияга имкониятни бой берганди. Орадан 12 йил ўтиб Криштиану Роналду жамоадошлари биринчи бор Европа тахтига чиқди.
Беллашувнинг 24-дақиқасида Криштиану Роналду жароҳат олиб, майдонни тарк этишга мажбур бўлди.
Криштиану Роналду Евро—2016 финалида жароҳат олди ва учрашув 24-дақиқасида майдонни кўзда ёш билан тарк этди
Сўровнома: Димитри Пайет қасддан Криштиану Роналдуга жароҳат етказдими?
Плей-оффнинг 1 та ўйинида Польшани пенальтилар сериясига кўра таслим қилган Португалия, Хорватия ва Францияга қарши ўйинларда қўшимча дақиқалардаги гол эвазига зафар қучди.
Франция терма жамоаси 1984 ва 2000 йилги Европа Чемпионатларида зафар қучганди. Чемпионлик борасида Испания ва Германия пешқадам — 3 мартадан.
Португалия терма жамоаси сафида Эйсебио, Луиш Фигу каби футболчилар ҳаракат қилган даврда ҳам Европа Чемпионлиги қўлга киритилмаган. Криштиану Роналду даврида эса португаллар Европага тахтига чиқди.
Криштиану Роналду 4 та Европа Чемпионатида гол урган ягона футболчи. Роналду Еврода энг кўп гол урган 2 та футболчидан бири. Криштиану Европа Чемпионатида энг кўп ўйин кўрсатган футболчи. Роналду бир мавсумнинг ўзида ҳам Чемпионлар Лигасида, ҳам Европа Чемпионатида зафар қучган футболчи.
[wpse_match id="376582" show_title=1]
Изоҳ (0)