Meizu ёз якунида янги МX6 Ubuntu Edition смартфонини тақдим этиши кутилмоқда

Meizu компанияси февралда тақдим этилган Meizu Pro 5 Ubuntu Edition вориси бўлиши айтилаётган янги МX6 Ubuntu Edition смартфонини ҳавола этади. Бу ҳақда «Hi-Tech Mail.ru» хабар бермоқда. 

AndroidHeadlines ресурсида чоп этилган промо-тасвирлар смартфоннинг асосий характеристикалари ҳақида тасаввур беради. Meizu МX6 Ubuntu Edition 64 битли, 10 ядроли Mediatek Helio X20 чипсети асосига қурилади. Ушбу чипсет иккита Cortex-A72 ва саккизта Cortex-A53 ядролари, ARM Mali T880 графикаси, сониясига 300 мегабитгача маълумотларни узатишга қодир LTE Cat-6 модемини ўз ичига олади. 

Meizu МX6 Ubuntu Edition, шунингдек, 3 гигабайт тезкор ва 32 гигабайт қўшимча хотира, 8 ва 20,7 мегапикселли камералар, 4000 ампер/соатли аккумулятор, 5,5 дюймли экран ҳамда бармоқ изи сканери билан жиҳозланади.

Шу йил ёз мавсуми охирида тақдим этилиши кутилаётган смартфон учун 399,99 евро нарх белгиланган.