«Жамоат истеъмол ташаббуси» ташкилоти ўзи ўтказган тадқиқот натижаларига кўра Россиянинг энг кўп ноҳақликка йўл қўядиган мобил алоқа операторларини аниқлади. Асосан операторлар таркибига чексиз интернет киришини уқтириб келган тариф режалари таҳлилдан ўтказилди, деб хабар бермоқда «Hi-Tech.Mail.ru».
Таҳлилчиларнинг уқтиришича, чексиз интернети борлиги айтилган тарифларнинг кўпчилигида аслида чекловлар бўлиб, улар ё ошкор этилмайди, ё майда шрифтда пастда келтирилади.
Хусусан, «МТС»нинг «Smart Безлимитичше» телерекламасида фақат биринчи ой тўловлари айтиб ўтилади. Аслида эса абонент кейинги 30 сутка учун аванс киритади, бунда модем ёки файл алмашиш тармоқлари қўлланганида тарифнинг амал қилиши чекланади. Бу ахборот экранда бор-йўғи бир неча сония кўрсатилади, уни ҳеч ким ўқишга улгурмайди.
«Билайн»да ҳам чексиз интернет аслида чекловларга эга. Хусусан, минтақалар, ускуналарга кўра, ускуна орқали бошқа гаджетларга интернет тарқатишда чекловлар бор. Реклама материалларида бу маълумот жуда майда шрифтда келтирилади.
«Мегафон» ҳам ахборот яширади. Масалан, «МегаБезлимит» пакетида оператор торрент ресурсларига кириш ҳамда айрим ускуналардан интернетга киришни чеклайди.
Қоидабузарликлар фақат Tele2, Yota операторларининг лимитсиз пакетларида қайд қилинмади. «Инсофсизлик» рейтингидаги ўринлар қуйидагчи тақсимланди.