«Насаф» етакчиси Артур Геворкян «Локомотив» билан шартнома имзолади

Қаршининг «Насаф» клуби етакчиси Артур Геворкян фаолиятини Тошкентнинг «Локомотив» клубида давом эттиради. Бу ҳақда «темирйўлчилар» матбуот хизмати хабар тарқатди.

Осиё Чемпионлар Лигасининг чорак финалига йўл олган «Локомотив» Ўзбекистон чемпионатида тўп сурувчи энг кучли легионерлардан бири билан келишувга эришди, деб ёзилади хабарда.

Артур Геворкян «Насаф» сафида 140 та учрашувда майдонга тушиб, 64 та гол уришга муваффақ бўлган.

Маълумот

«Қирол Артур» тахаллусида тўп сурувчи Артур Геворкян 1984 йил 22 ноябрда Туркманистоннинг Ашхобод шахрида таваллуд топган. Футболчилик фаолиятини Туркманистоннинг «Шагадам» клубида бошлаган. Ундан сўнг «Есил-Богатир» (Қозоғистон), «Ашхобод» (Туркманистон), «Шўртан» (Ғузор), «Пахтакор» (Тошкент) ва «Насаф» (Қарши) клубларида давом эттирган.

Жамоавий ютуқлари:

Ўзбекистон Кубоги соҳиби — 2015 йилЎзбекистон вице-чемпиони — 2011 йилЎзбекистон чемпионатининг бронза медаллари соҳиби — 2013, 2014, 2015 йилларЎзбекистон Кубоги финалчиси — 2011, 2012, 2013 йилларЎзбекистон Суперкубоги соҳиби — 2016 йилОФК Кубоги соҳиби — 2011 йил

Шахсий ютуқлари:

ОФК Кубогининг «Энг яхши футболчиси» — 2011 йилЎзбекистон чемпионатининг «Энг яхши футболчиси» — 2013 йилЎзбекистон чемпионатининг «Энг яхши тўпурари» — 2014 йилЎзбекистон чемпионатининг «Энг яхши легионери» — 2013, 2014 йиллар.