АҚШнинг Associated Press ахборот агентлиги олдин ОАВда ёритилмаган Minor League Baseball кичик бейсбол лигаси ўйинлари ҳақида ёзиш учун роботни жалб этди. Бу ҳақда «РБК» хабар бермоқда.
Матн тузиш учун Automated Insights компанияси дастури, шунингдек, Бош бейсбол лигаси (MLB) ўйинларини шарҳлаб борган Major League Baseball Advanced Media портали манбаларидан фойдаланилмоқда. Робот томонидан ёзилган матнлар агентлик стандартларига тўғри келиши AP’нинг бейсболга ихтисослашган журналистлари томонидан текширилмоқда. Материаллар 13 та қуйи лигага тақсимланган 142 жамоа иштирокидаги ўйинларни ёритади.
Маълумот учун, AP 2015 йил бошидан бери компанияларнинг чорак якунлари бўйича молиявий ҳисоботларини ёзиш учун роботдан фойдаланиб келмоқда. Ҳар чоракда 3500 дан ортиқ шундай мақола чоп этилади.
Изоҳ (0)