CNN телеканали жаҳоннинг деярли барча давлатларига саёҳат уюштириб, бу ҳақдаги ҳикоялари орқасидан миллионлаб доллар топган блогер ҳақида гапириб берди. Бу ҳақда «РИА Новости» ёзмоқда.
Ирландиялик Жонни Уорд ҳиссиётга тўла ҳаёт яшашни исташини тан олади. Бугунги кунда у миллионлаб доллар даромад оладиган камдан-кам саёҳатчи блогерлардан биридир.
Унинг асосий мақсади дунёнинг барча давлатларига боришдир. Охирги 10 йил ичида у 193 давлатда бўлди. Саёҳатлари ҳақида Уорд ўзининг OneStep4ward сайти, шунингдек, ижтимоий тармоқлардаги саҳифалари орқали ҳикоя қилиб боради.
«Мен бу ишни қилган эканман, бошқа ҳар қандай инсон ҳам қила олади. Бир куни мен шунчаки орзуларимга эргашиш ва эркин ҳаёт билан яшаш муҳимлигини тушундим. Менинг тарихим инсонларни кўпроқ даромадим суммаси туфайли ўзига жалб қилаётганидан афсусдаман», — деди у CNN’даги онлайн интервьюсида.
Уорд саёҳатларини 2006 йилда, университетни тамомлаши билан бошлади. У Эфиопиядалигида реклама бўйича биринчи таклифни қўлга киритди.
Секин-аста унинг блоги оммалашди ва катта даромад келтира бошлади. Вақти келиб у ойига 30 минг доллар топа бошлади, шахсий блоги эса кенгайиб, 250 сайтдан иборат медиа ресурсга айланди.
Ҳозирда Уорд ўз медиакомпаниясини бошқариб келмоқда.
Изоҳ (0)