Ўзбекистоннинг баъзи тоғли ҳудудларида 2 июль куни кучли шамол ва ёғингарчилик кутилади. Бу ҳақда «Ўзгидромет» маркази хабар бермоқда.
Хабар беришларича, 2 июлга ўтар кечаси Ўзбекистоннинг тоғли ҳудудларида ҳаво ҳарорати +12...+17 даража, Тошкент шаҳрида +22...+24 даража, қолган ҳудудларда +20...+25 даража илиқ бўлади.
2 июль куни кундузи тоғли жойларда ҳаво ҳарорати +25...+30 даража, Қорақалпоғистон Республикаси ва Хоразм вилоятида +33...+38 даража, Тошкент шаҳрида эса +37...+39 даража иссиқ бўлади.
Бухоро, Навоий, Тошкент, Самарқанд, Жиззах, Сирдарё, Андижон, Наманган ва Фарғона вилоятларида +35...+40 даража, Қашқадарё ва Сурхондарё вилоятларида эса +37...+42 даража иссиқ бўлади.
Ўзбекистоннинг баъзи тоғли ҳудудларида қисқа муддатли ёмғир ёғиши ва момақалдироқ бўлиши, шамолнинг тезлиши сониясига 15—20 метргача кучайиши мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)