Ультрамарафончи Дин Карнасис Буюк ипак йўли бўйлаб югуришни Тошкент шаҳридан бошлади (фото)
Бугун, 1 июль куни америкалик машхур ультрамарафон спорт устаси Дин Карнасис Буюк Ипак йўли бўйлаб марафонни Тошкент шаҳрининг Юнусобод туманидаги «Минор масжиди» комплекси олдидан бошлади. Бу ҳақда Ўзбекистон Миллий паралимпия ассоциацияси матбуот хизмати «Дарё» нашрига хабар берди.
Фото: Ўзбекистон Миллий паралимпия ассоциацияси матбуот хизмати
Марафоннинг очилиш маросимида АҚШнинг Ўзбекистондаги элчиси Памела Спратлен сўзга чиқиб, ушбу марафон Ўзбекистон мустақиллигининг 25 йиллигига бағишланганини таъкидлади. Дин Карнасис Буюк Ипак йўли (Ўзбекистон, Қозоғистон, Қирғизистон) бўйлаб 525 километр масофани ташкил этувчи йўлни югуриб ўтиши олдидан оқ йўл тиланди.
Фото: Ўзбекистон Миллий паралимпия ассоциацияси матбуот хизмати
Ўзбекистон Миллий паралимпия ассоциациясининг терма жамоа аъзолари ва АҚШнинг Ўзбекистондаги элчихонаси ходимлари Дин Карнасисни Қозоғистон чегарасигача ҳамроҳликда югуриб кузатди.
Фото: Ўзбекистон Миллий паралимпия ассоциацияси матбуот хизмати
Фото: Ўзбекистон Миллий паралимпия ассоциацияси матбуот хизмати
Фото: Ўзбекистон Миллий паралимпия ассоциацияси матбуот хизмати
Изоҳ (0)