Евро—2016 гуруҳ босқичида мусобақанинг сўнгги иккитасида чемпионликни қўлга киритган Испания устидан зафар қучган Хорватия терма жамоаси нимчорак финалда Португалияга имкониятни бой берди.
Ўйиннинг асосий вақтида ҳисоб очилмади. Натижада бош ҳакам ғолибни аниқлаш учун 15 дақиқадан иккита қўшимча тайм белгилашга мажбур бўлди.
116-дақиқага келибгина португалияликлар ғалаба тўпини киритди. Хорватиянинг ёппасига ҳужумга ўтиб кетганидан фойдаланган португалиялик футболчилар тезкор қарши ҳужумга ўтди. Роналдунинг зарбасини дарвозабон бартараф қилган бўлса, қайтган тўпни Рикардо Куарежма дарвозага жойлаб қўйди.
Қолган 5 дақиқа Хорватия учун ҳисобни тенглаштиришга камлик қилди. Шу тариқа Лука Модрич, Иван Ракитич, Иван Перишич, Марио Манжукич каби футболчилари бор терма жамоа ҳам Евро—2016 билан хайрлашди.
Португалия терма жамоаси чорак финалда Швейцарияни турнирдан чиқариб юборган Польша билан тўқнаш келади.
[wpse_match id="368872" show_title=1]
Изоҳ (0)