Ўзбекистон Президенти Ислом Каримов 29 июнь куни Туркия президенти Ражаб Тоййиб Эрдўғонга Истанбул шаҳридаги халқаро аэропортда содир этилган террорчилик ҳаракатлари оқибатида кўплаб инсонларнинг ҳалок бўлгани ва жароҳат олгани муносабати билан мактуб йўллади. Бу ҳақда Ўзбекистон Ташқи ишлар вазирлиги матбуот хизмати хабар берди.
«Мамлакатимиз раҳбари Президентга ва қардош турк халқида самимий таъзия изҳор этиб, қурбон бўлганларнинг оила аъзоларига ва яқинларига ҳамдардлик билдирди», — дейилади вазирлик ахборотида.
Маълумот учун, 28 июнь куни оқшомда Истанбулдаги Отатурк номли халқаро аэропортда юз берган терактлар оқибатида, сўнгги маълумотларга кўра, 43 киши ҳалок бўлган, улар орасида Ўзбекистон фуқароси борлиги айтилмоқда.
Изоҳ (0)