Ҳаммага бирдек ёқувчи мамлакат. Евро—2016 даги кашфиётчи Исландия яна нималари билан машҳур?

Исландия футбол терма жамоасининг Европа Чемпионатидаги иштироки футбол мухлисларида илиқ таассурот қолдириш билан бирга, мазкур мамлакатга бўлган қизиқишни анчагина ошириб юборди.

• Евро—2016. «Исландия эртаги» давом этади. Евро дебютанти Англия термасини мусобақадан чиқариб юборди

Исландияда полициячилар қурол олиб юрмайди. Жиноятчилик мамлакатда деярли кузатилмайди

• Исландия фуқаролари 20 йил мобайнида илк бор янги президентни сайламоқда

Исландияда McDonald’s ресторанлари йўқ. Унинг охиргиси 2008 йилги инқироз даврида ёпилиб кетганди

• Евро–2016 даги муваффақиятли иштирокидан сўнг Исландия термаси футболкаларининг сотуви 1800 фоизга ошди

Исландиялик машҳур қўшиқчи Бьорк Гвюдмюндсдоуттирни Instagram’да 407 минг обуначиси бор. Бу Исландия аҳолисидан 82 мингтага кўпроқ деганидир

• Офшор можароси туфайли Исландия бош вазири истеъфо берди

Исланлияда одамлар иссиқ бассейнларда танишади ва суҳбат қуради. Бунақасини дунёнинг бошқа бурчагида учратмайсиз

• Исландияликлар карбонат ангидрид ажралмаларини тошга айлантирди

1989 йилга қадар пиво ичимлиги Исландияда ноқонуний ҳисобланган

Исландия ўзининг доимий армиясига эга эмас. Forbes маълумотларига кўра Исландия тинчликсевар мамлакатлар рейтингида 1-ўринда туради

Исландияда чивинларни умуман учратмайсиз

Исланлияда қиш қаҳратони мифдан бошқа нарса эмас. Қиш ойларидаги ўртача ҳарорат -4 даражадан пастга тушмайди

Исландияда «Локомотив» футбол клуби ҳеч қачон бўлмаса керак. Чунки бу ерда темирйўлнинг ўзи йўқ

Исландия Олий Лигасида мавсум энг қисқалиги билан машҳур. У майдан сентябрга қадар давом этади

1996 йилнинг 24 апрель куни бўлиб ўтган Эстонияга қарши беллашувда Арнор Гудйонсен ўрнига захирадан унинг ўғли Эйдур туширилди. Бу футболнинг халқаро ўйинлар тарихида ўғил ўз отасини алмаштирган ягона учрашувдир

Исландияда 30 та катта стадион бор. Улар сунъий қопламали ва 7 тасининг усти берк. Кичик стадиончалар сони эса 150 тани ташкил қилади

Исландиядаги 5 та футбол лигасида иштирок этувчи 73 клубдан бирортаси профессионал ҳисобланмайди. Шунга қарамай мамлакатнинг 850 нафар мураббийида УЕФА лицензияси бор

Исландия терма жамоаси бош мураббийи Хеймир Хадлгримссон ҳозиргача ярим ставка тиш шикофори бўлиб ишлайди

Евро—2016 гуруҳ босқичидаги Венгрияга қарши беллашувни Исландиянинг 98 фоиз аҳолиси томоша қилди

• Исландиялик футбол ишқибози Исландия – Англия учрашувига бориш учун Boeing 737 самолётини ижарага олди

Исландия термаси дарвозабони Ханнес Халдерссон 3 йил муқаддам мамлакатнинг Eurovision’даги клипи учун продюссерлик қилиб, режиссёрликдан пул ишлаганди

• Евро—2016 да жавлон ураётган Исландияда 23 нафар футболчи қандай топилган?

Англия миллий терма жамоаси дарвозасига биринчи голни урган Рагнар Сигурдссон туғилган ва катта бўлган жой мана шу кўринишда

• Англиялик футболчилар, ЕЧ–2016 да Исландия термасидан мағлуб бўлса, ушбу давлатда бепул дам олади

Ўзининг эҳтиросли футбол шарҳлари билан эндиликда ҳаммага таниш шарҳловчи Гудмундур Бенедикцсон исландиялик илк профессионал футболчи Альберт Гудмундссоннинг набираси билан турмуш қурган. Гудмундссон ўз вақтида «Милан», «Арсенал» каби клублар шарафини ҳимоя қилган. Кейинроқ эса Исландия молия вазири бўлиб ишлаган

• Сўровнома: Исландиялик эҳтиросли шарҳловчи ҳақида қандай фикрдасиз?

Исландия термаси сардори Арон Гуннарссон футболга 15 ёшида кириб келган. Унга қадар эса Гуннарссонни умидли гандболчи сифатида билишган. У ҳаттоки катталар ўртасидаги Исландия гандбол чемпионатида 3 та ўйин ўтказишга ҳам улгурганди

• Роналду Исландия термаси футболчисига: Футболка алмашамиз? Кимсан ўзи? (видео)

Англия мағлуб этилган кунга қадар гандбол Исландияда биринчи рақамли спорт тури эди

Маълумот учун, Исландиянинг сўнгги президенти Олавур Рагнар Гримссоннинг турмуш ўртоғи Доррит Муссаефф Бухоро яҳудийлари сулоласи вакили экани аниқланган. Биринчи хоним ва унинг ота-оналари — Moussaieff Jewelers Limited заргарлик фирмаси соҳиблари офшорларда улушларга эгалик қилган. Бухоро яҳудийлари сулоласи вакили бўлган Mussaeff’лар (Мусаевлар) оиласининг мол-дунёси юзлаб миллион долларга баҳоланади.

Гримссон журналистлар унинг турмуш ўртоғи Доррит Муссаефф офшор компаниялари билан боғлиқлигини аниқлаганидан президентлик сайловларида иштирок этмаслигини маълум қилганди.