Islandiya futbol terma jamoasining Yevropa Chempionatidagi ishtiroki futbol muxlislarida iliq taassurot qoldirish bilan birga, mazkur mamlakatga bo‘lgan qiziqishni anchagina oshirib yubordi.
Islandiyada politsiyachilar qurol olib yurmaydi. Jinoyatchilik mamlakatda deyarli kuzatilmaydi
Islandiyada McDonald’s restoranlari yo‘q. Uning oxirgisi 2008-yilgi inqiroz davrida yopilib ketgandi
Islandiyalik mashhur qo‘shiqchi Byork Gvyudmyundsdouttirni Instagram’da 407 ming obunachisi bor. Bu Islandiya aholisidan 82 mingtaga ko‘proq deganidir
Islanliyada odamlar issiq basseynlarda tanishadi va suhbat quradi. Bunaqasini dunyoning boshqa burchagida uchratmaysiz
1989-yilga qadar pivo ichimligi Islandiyada noqonuniy hisoblangan
Islandiya o‘zining doimiy armiyasiga ega emas. Forbes ma’lumotlariga ko‘ra Islandiya tinchliksevar mamlakatlar reytingida 1-o‘rinda turadi
Islandiyada chivinlarni umuman uchratmaysiz
Islanliyada qish qahratoni mifdan boshqa narsa emas. Qish oylaridagi o‘rtacha harorat -4 darajadan pastga tushmaydi
Islandiyada “Lokomotiv” futbol klubi hech qachon bo‘lmasa kerak. Chunki bu yerda temiryo‘lning o‘zi yo‘q
Islandiya Oliy Ligasida mavsum eng qisqaligi bilan mashhur. U maydan sentabrga qadar davom etadi
1996-yilning 24-aprel kuni bo‘lib o‘tgan Estoniyaga qarshi bellashuvda Arnor Gudyonsen o‘rniga zaxiradan uning o‘g‘li Eydur tushirildi. Bu futbolning xalqaro o‘yinlar tarixida o‘g‘il o‘z otasini almashtirgan yagona uchrashuvdir
Islandiyada 30 ta katta stadion bor. Ular sun’iy qoplamali va 7 tasining usti berk. Kichik stadionchalar soni esa 150 tani tashkil qiladi
Islandiyadagi 5 ta futbol ligasida ishtirok etuvchi 73 klubdan birortasi professional hisoblanmaydi. Shunga qaramay mamlakatning 850 nafar murabbiyida UEFA litsenziyasi bor
Islandiya terma jamoasi bosh murabbiyi Xeymir Xadlgrimsson hozirgacha yarim stavka tish shikofori bo‘lib ishlaydi
Yevro—2016 guruh bosqichidagi Vengriyaga qarshi bellashuvni Islandiyaning 98 foiz aholisi tomosha qildi
Islandiya termasi darvozaboni Xannes Xaldersson 3 yil muqaddam mamlakatning Eurovision’dagi klipi uchun prodyusserlik qilib, rejissorlikdan pul ishlagandi
Angliya milliy terma jamoasi darvozasiga birinchi golni urgan Ragnar Sigurdsson tug‘ilgan va katta bo‘lgan joy mana shu ko‘rinishda
O‘zining ehtirosli futbol sharhlari bilan endilikda hammaga tanish sharhlovchi Gudmundur Benediktsson islandiyalik ilk professional futbolchi Albert Gudmundssonning nabirasi bilan turmush qurgan. Gudmundsson o‘z vaqtida “Milan”, “Arsenal” kabi klublar sharafini himoya qilgan. Keyinroq esa Islandiya moliya vaziri bo‘lib ishlagan
Islandiya termasi sardori Aron Gunnarsson futbolga 15 yoshida kirib kelgan. Unga qadar esa Gunnarssonni umidli gandbolchi sifatida bilishgan. U hattoki kattalar o‘rtasidagi Islandiya gandbol chempionatida 3 ta o‘yin o‘tkazishga ham ulgurgandi
Angliya mag‘lub etilgan kunga qadar gandbol Islandiyada birinchi raqamli sport turi edi
Ma’lumot uchun, Islandiyaning so‘nggi prezidenti Olavur Ragnar Grimssonning turmush o‘rtog‘i Dorrit Mussayeff Buxoro yahudiylari sulolasi vakili ekani aniqlangan. Birinchi xonim va uning ota-onalari — Moussaieff Jewelers Limited zargarlik firmasi sohiblari ofshorlarda ulushlarga egalik qilgan. Buxoro yahudiylari sulolasi vakili bo‘lgan Mussayefflar (Musayevlar) oilasining mol-dunyosi yuzlab million dollarga baholanadi.
Grimsson jurnalistlar uning turmush o‘rtog‘i Dorrit Mussayeff ofshor kompaniyalari bilan bog‘liqligini aniqlaganidan prezidentlik saylovlarida ishtirok etmasligini ma’lum qilgandi.
Izoh (0)