ОТМларга ҳужжат топшираётган абитуриентлар учун фойдали маълумотлар

«Xushnudbek.uz» сайти Давлат тест марказининг сайтида эълон қилинган Ўзбекистон Республикаси таълим муассасаларига қабул қилиш бўйича Давлат комиссиясининг 2016 йил, 20 июндаги 2-сонли баёни ва унинг иловаларидан ўрин эгаллаган фойдали маълумотларни жамлади.

• Таълим йўналишлари рўйхати ва тест бўйича уларга мувофиқ келувчи фанлар мажмуаси

Кўпчилик абитуриентларни қизиқтирадиган асосий саволлардан бири, бу ўзи танлаган ва ҳужжат топширмоқчи бўлган таълим йўналишида қайси фанлардан имтиҳон бўлади ҳамда қайси бирига неча балл берилишидир. Улар юқоридаги асосларга қараб тайёргарликка кучларини тақсимлайди.

Шу ҳақда батафсил маълумот олиш учун ушбу ҳаволага ўтинг. Олий ҳарбий таълим муассасалари учун худди шу маълумот ушбу ҳаволада мавжуд.

• Тест синовлари билан бир қаторда касбий (ижодий) имтиҳонлар ўтказиладиган таълим йўналишлари рўйхати

Айрим таълим йўналишларида абитуриентлар нафақат тест имтиҳонидан ўтади, балки касбий (ижодий) имтиҳон ҳам топширади. Касбий (ижодий) имтиҳон топширган абитуриентлар 3 та эмас, 2 та фандан имтиҳон топширади.

Шу ҳақда батафсил маълумот олиш учун ушбу ҳаволага ўтинг.

• Олимпиада фани ва танловлар билан олий таълим йўналишлари ўртасидаги касбий мувофиқлик

Ўзбекистонда фан олимпиадалари ўтказилади ва унда республикада дастлабки 3 та ўринни эгаллаган ўқувчилар ОТМларга имтиҳонсиз давлат гранти асосида қабул қилинади. Хўш, савол туғилади, қайси фандан ғолиб бўлган ўқувчилар қайси ОТМларга имтиҳонсиз кира олади? Масалан, математика фанидан олимпиада ғолиби бўлса, қайси ОТМларга киришга ҳуқуқи бор?

Мазкур саволларга жавоб олиш учун ушбу ҳаволага ўтинг.

• Ҳарбий тавсияномага эга абитуриентлар учун иккинчи ОТМ сифатида белгиланиши мумкин бўлган олий таълим муассасалари

Ҳарбий имтиёзга эга бўлган абитуриентлар ҳужжат топшираётганда аризаларида иккита ОТМни кўрсатишлари мумкин ва асосий ОТМга балли етмай қолган тақдирда, иккинчи ОТМда ўқиш имкониятини (агар балли етса) қўлга киритади. Хўш, иккинчи ОТМ сифатида қаерларни белгилаш мумкин? Ёки исталган ОТМни танласа бўладими?

Албатта, йўқ! Иккинчи ОТМ сифатида танлаш мумкин бўлганларнинг қатъий рўйхати бор ва ўша рўйхат мана бу ҳаволада келтирилган. Шунингдек, ушбу саҳифада таълим йўналишлари ва таълим тили бўйича қабул квоталари рўйхати ҳам келтирилган.

• Олий таълим муассасаларининг бир таълим соҳасига тегишли таълим йўналишлари рўйхати ва тест бўйича уларга мувофиқ келувчи фанлар мажмуаси

Баъзи абитуриентлар соҳани танлайди-ю, лекин қайси таълим йўналишга ҳужжат топшириш ҳақида бошлари қотади. Масалан, иқтисодчи бўлишни ният қилган, лекин ушбу соҳанинг йўналишлари кўп-ку. Менежмент бор, маркетинг бор, молия, банк иши, солиқлар ва солиққа тортиш, бухгалтерия ҳисоби ва ҳ.к.

Бир таълим соҳасига тегишли таълим йўналишлари рўйхати ва уларга қайси фанлардан имтиҳон бўлиши ҳамда неча баллдан берилиши ҳақида маълумот ушбу ҳаволада мавжуд.

• Кўп балли тизим бўйича касбий имтиҳонлар ҳамда тест синовлари асосида амалга ошириладиган ва ўқитиш тожик, қозоқ, туркман ва қирғиз тилларида олиб бориладиган таълим йўналишлари рўйхати

Ўзбекистонда таълим нафақат ўзбек, қорақалпоқ ва рус тилларида, балки тожик, қозоқ, туркман ва қирғиз тилларида ҳам олиб борилади. Мазкур тилларда ўқитиш олиб бориладиган таълим йўналишларида фақат чет тили фанидан тест бўлади. Қолган асосий фанлардан эса кўп балли тизим бўйича касбий имтиҳонлар, бошқача айтганда оғзаки имтиҳон бўлади.

Шу ҳақда батафсил маълумот олиш учун ушбу ҳаволага ўтинг.