Леди Гага Далай-лама билан учрашувидан сўнг Хитой коммунистлар партиясининг «ташқи душман кучлар» рўйхатига киритилди ва мамлакатда персона нон гратага айланди. Бу ҳақда TJournal хабар бермоқда.
Америкалик хонанда ва Далай-ламанинг учрашуви 26 июнь, якшанба куни Индианаполисда, АҚШ мэрлари анжуманида бўлиб ўтди. Гага қувғиндаги Тибет олий раҳбари билан анжуман саҳнасида ва шахсан суҳбатлашди. Улар медитация, руҳий саломатлик ва инсоният халос бўлиши лозим бўлган иллатларни муҳокама қилгани билдирилмоқда.
Расмий Пекин Хитой ҳудудида Леди Гаганинг барча қўшиқларини тақиқлаш юзасидан кўрсатма берди. Маҳаллий веб-сайтлар унинг трекларини тармоқда тарқатмаслиги, давлат ОАВлари эса Далай-лама билан учрашувни қоралаши лозим. Олдинроқ шу сабабга кўра Хитойда Oasis ва Maroon 5 гуруҳлари, шунингдек, хонанда Бьорк ижоди ман этилганди.
Изоҳ (0)