Евроиттифоқ тарафдорлари сўнгги умид учқуни сифатида қабул қилаётган, референдумни қайтадан ўтказиш учун петиция «Инглиз демократлари» миллатчилик ташкилоти активисти Уильям Хили томонидан тузилган, деб ёзади «РБК».
У ўз Facebook’ида аниқлик киритишича, петиция 23 май куни тузилган, ўшанда сўровлар Буюк Британиянинг Евроиттифоққа аъзолигини сақлаб қолиш тарафдорлари устунлигини кўрсатган эди. «Ўша вақтда биз якунда ғолиб чиқишимиз учун ҳеч қандай кафолат йўқ эди», — дея тан олди миллатчи.
Охир-оқибат петиция 3 миллиондан ортиқ овоз тўплади, Metro нашри таъкидлашича, уни Хили каби ҳамма вазиятга тайёр туришга қарор қилган Brexit тарафдорлари ҳам имзолаган бўлиши мумкин.
Изоҳ (0)