24 июнь, жума куни одессалик аёл бир йўла беш эгиз – уч ўғил ва икки қизни дунёга келтирди. Бу ҳақда «Корреспондент.net» хабар бермоқда.
Аёлнинг ҳомиласи 8 ҳафталик бўлганида, ультратовуш орқали қилинган биринчи текширувнинг ўзидаёқ у беш фарзандни кутаётгани маълум бўлганди.
Аёл ҳомиласи давомида доимий равишда индивидуал кузатув остида бўлган. Она ва болаларнинг ҳаётини сақлаб қолиш учун ҳомиланинг 30-ҳафтасида кесарча кесиш йўли орқали болалар дунёга келтирилди.
Одессалик она дунёга келтирган ўғил болаларнинг оғирлиги 1810, 1190 ва 1720 граммни, қизларнинг оғирлиги эса 1450 ва 1250 граммни ташкил этди.